إزاي تطور لعبة من غير مهارات برمجية ... ؟

محركات العاب مبتستخدمش برمجة الأكواد

دلوقتي خلينا نتعرف على أهم المحركات اللي مبتستخدمش برمجة الأكواد (مش مهم يبقى عندك مهارات برمجية) ☺

Construct 2

Construct 2

المحرك المشهور و الجميل اللي أنا بستخدمه و بحبه جدا .. Construct 2 محرك جميل و سهل بيعتمد على نظام اسمه الـ(Event System) أو نظام الأحداث و اللي بيتعامل بطريقة غير مباشرة مع البرمجة و المحرك جميل و كل حاجة لكن النوع ده من المحركات أحيانا بيكون محدود نوعا ما لكن برضو كتجربة أولى لازم تتعامل مع المحرك ده لانه هيفهمك (المنطق البرمجي) .

Stencyl

محرك سهل و بسيط جدا و جميل بيعتمد على أسلوب سهل جدا و بتبرمج فيه بطريقة زي المكعبات الـ(Puzzle) لكن للاسف زي ما قلت المحرك محدود لكن هو محرك قوي و جميل لو تعمقت فيه شوية. 

 BuildBox

BuildBox

محرك كويس و جميل مفهوش برمجة خاالص !! بمعنى انك مجرد بتختار نوع الأوبجكت و نوع اللعبة و الباقي على المحرك يعني مثلا بتختار ان الأوبجكت أو الكائن ده وحش و المحرك بيبرمج الوحش أنه مثلا لو اتضرب يموت و هكذا..

و بكدا نبقى خلصنا أبرز المحركات و عرفنا أنواعها إن شاء الله ☺

← أنتظر بقية المقال خلال ساعات →