فريق تطوير الألعاب
اتكلمنا عن تطوير الألعاب بشكل عام و محركات الألعاب و جه الوقت عشان نتكلم عن (فريق تطوير الألعاب).
مبدئيا الألعاب اللي انت بتشوفها ممكن تكون حاجة من الاتنين يا إما :
-
واحد فقط اللي عملها و بنسمي الشخص ده (مطور
مستقل)
- فريق كامل عمل اللعبة و ده بيتكون من عناصر أساسية هي :
1- المبرمج (الـProgrammer) :
الراجل ده هو الشخص اللي بيكتب أكواد اللعبة
كلها و ده اللي دايما بيبقى لازم يكون منظم في شغله و دقيق في عمله .. و هو عنصر
مهم جدا
2- الرسام (الـArtist) :
الرسام هو من أهم العناصر في الفريق بل يعتبر
أهم عنصر فعلا فزي ما كلنا عارفين "مفيش لعبة من غير رسوميات (Graphic)" و
هنا ده دور الرسام .. الرسام بيرسم كل حاجة في اللعبة من شخصيات و بيئة اللعبة و
شكل مشاهد اللعبة و التفاصيل و الخلفيات و القوائم .. و إذا كانت اللعبة 3D
فبيبعت الرسومات دي للـ(Modeler) أو مصمم ال3D.
3- مصمم الـ3D (3D Modeler) :
و ده أحد العوامل الأساسية في ألعاب الـ3D فهو من يقوم
بتصميم المجسمات ثلاثية الأبعاد يعني بعد ما الرسام بيخلص الرسومات بيبعتله
الرسومات اللي رسمها للعبة و الراجل ده بيحولها من رسومات على ورق أو غيره إلى
مجسمات ثلاثية الأبعاد
4- مهندس الصوت (Audio Engineer) :
و ده اللي بيصمم الأصوات الخاصة باللعبة و
اللي لازم يكون شخص مبدع و عنده إحساس قوي و خبرة كبيرة في شغله
5- المؤلف أو الكاتب (Writer) :
و الشخص ده هو أساس اللعبة .. المؤلف هو اللي
بكتب القصة و السيناريو و ده دايما بيبقى عنده ابداع و خيال واسع و تفكير عميش و
.. هدوء الراجل ده لازم يبقى متخصص في مجاله عشان يطلع قصة حلوة تستمتع بيها الناس
6- مصمم الألعاب (Game Designer) :
و ده هو الشخص اللي بيخطط للعبة و لازم يبقى
عنده إبداع كبير جدا و حس راقي جداا و يكون مثقف و فاهم شغله كويس و الراجل دهب
يعمل خطوة من أهم خطوات صناعة أي لعبة و اللي هي الـ(Documentation) و الراجل
ده هو الشخص الوحيد اللي يقدر يبقى قائد الفريق أو حتى يكون مطور مستقل لانه
بيتميز بكل المتطلبات اللازمة لكل اعضاء فريق التطوير
7- مصمم المراحل (Level Designer) :
هو شخص بياخد كل أوامره من الـGame
Designer و هو الشخص المسؤول عن وضع كل شيء في مكانه
بمعنى وضع ملفات البرمجة في الكائنات التابعة لها و ترتيب المشهد و صناعة عالم
اللعبة و وضع الكائنات في أماكنها المناسبة و ده لازم يبقى منظم جدا و دقيق و
الأهم انه يبقى مبدع
8- مختبر الألعاب (Game Tester) :
الراجل ده ملوش أي علاقة بتطوير اللعبة أو
صناعتها لان وظيفته هي (اختبار اللعبة و اكتشاف الأخطاء الموجودة في اللعبة و
تقديم تقرير كامل عن الأخطاء الموجودة في اللعبة و الملاحظات) يعني باختصار هو (Gamer)
