ورشه عمل كيفية بناء موقع و تطبيق أندرويد

لو قولنا هنعمل ورشة عمل بعد رمضان لكل الناس الى عاوزة تتعلم هنلاقى مين يجيى معانا  ؟ :D

← طبعاً اول سؤال جه فى دماغك هنعلمكم أيه صح ؟ 8-)
بص يا سيدى الورشة عندنا أن شاء الله هتتقسم 3 حاجات :

1- ورشة عن كيفية بناء تطبيقات جافا ,  و هنبتدى معاك فيها من أول
(أ , ب) جافا لحد ما تعمل APP كامل بنفسك ^_^

2- ورشة عن كيفية بناء موقع كامل , و ده بقى تقدر تقول 2x1 لأنك هتتعلم تصميم و برمجة الأتنين مع بعض , و شايفك يالى بتقول
{ الأتنين إزاى يا جدع } 3:) . أقولك هتعرف إزاى بعد ما تعمل أول WebSite ليك و تتعلم إزاى تتواصل كمان مع العملاء و أيه بتكون متطلباتهم  O:)

3- ورشة عن كيفية عمل تطبيقات الهاتف المحمول أيون تطبيقات الهاتف بكل أنواعها باذن الله , ( لعب , اله حاسبة , تطبيقات الدينية , تطبيقات المعلومات .... الخ ) كل انواع التطبيقات الى انت بتشوفها و بتستخدمها هتقدر بعد كدة أن شاء الله تعملها بنفسك و تتحكم فيها , بالأضافة عن اننا هنكلمكم عن كيفية النشر و الربح من التطبيقات ديه ...  :v ;)

 *****

← نيجى بقى لتانى سؤال هيجى فى دماغك مين الى هيعلمنا  ؟ 8-)

- أحب أقولك اننا يوم ما فكرنا نظبلكم ورشة فا طبعاً فكرنا نتعاون مع أفضل ناس و عشان كدة الى هيعلمك فريق مكون من أجمد مهندسى حاسبات القاهرة 3:)  و يمكن ناس كتير جداً تعرفهم ما شاء الله سواء فى ( جامعة القاهرة , حلوان , أكاديمية طيبة , مودرن أكاديمى ) و غيرهم كتير ... ده غير المسابقات الى بيدخلوها  ^_^ =D  أظن فى ناس كتير عرفت بنتكلم عن مين صح ^^ أيون هما PioGrama​ (y)

 *****

← طيب تالت سؤال  عاوز تقوله طبعاً .. هنتعلم فين 8-)

- طبعاً الى خد كورسات قبل كدة مع PioGrama عارف أجابة السؤال ده ;)
و الى لسه جديد نقولة أن الناس ديه من كتر ما هما متمركزين فى الدقى , بقوا معلم من معالم الدقى خلاص :D
 أن شاء الله الكورس هيكون فى مركز فى الدقى بس لسه محددنهوش عشان هيتم تحديده على حسب العدد :v
- طبعاً هيجى واحد أول ما شاف كلمه عدد ديه هيقولك ايه ده أحنا هنكون كتير و زحمة و كدة !!! ... هقوم باصصلك كدة o.O  و أقولك حقك تسأل ^^ بس أحنا يا سيدى هنقسمكم groups و العدد بيكون قليل عشان تعرفوا تشتغلوا فى TeamWorks و الكل يستفيد ... و خد الكبيرة بقى فى تكيييف :D

*****

← طيب نيجى للأهم بقى ... تقدم إزاى عشان تلحق تسجل فى الـورشة معانا 8-)

- بص يا سيدى طبعاً عشان نسهلها على كل الناس الى عاوزة تقدم   فعملنالكم  Form  تملوها , عشان بمجرد ما نبتدى نقدر نتواصل معاكم و نكلمكم , و طبعاً عشان محدش يزعل أحنا هناخد الناس بالأسبقية فا الحق سجل بقى :D
- و ده الرابط  {  https://goo.gl/Mp7WgC  }  يا ربت الى يسجل يكتب تعليق  أنه سجل عشان يأكد تسجيله و ترتيبة بالأسبقية (Y)

*****

← نيجى بقى لأخر حاجة و هى أحنا ليه  و بنعمل أيه فى المجرة التقنية ديه xD ....؟ 8-)

- عندنا فى المجرة هدفنا نعلمك و نمحى الأميه التكنولوجيا ... بنوفر كل الى نقدر عليه للعاوز يتعلم و يستفيد و بنقف جنبه ... و الحمد لله و فرنا لناس كتير كورسات و شروحات حتى لو كانت مدفوعة كنا بنشتريها و نوفرها الكترونياً بخلاف الكتب الى قدرنا نوزعها على عدد كبير عن طريق صفحتنا و موقعنا الالكترونى { www.mgratech.com } و الورشة ديه تعتبر أول شغل لينا ميدانى بالتعاون مع فريق PioGrama المميز :)

*****

-لو فى أى أسأله أو أستفسارات هننتظرها فى التعليقات أو على رسائل الصفحة :v  متنساش تثبت وجودك بتعليق عشان نعرفك و يكون ليك اسبقيه فى التسجيل ;)

- و اخيراً هننتظر دعمكم المستمر و الى ديماً بيدينا أمل عشان نستمر فى خدمتكم ^_^  أدعمونا بأنضمامكم لنا <3 ← { المجرة التقنية​ } (y)