تطوير و تصميم الألعاب
كلنا لعبنا ألعاب كتير سواء ألعاب للكمبيوتر أو الموبايل
أو غيره زي ألعاب الكونسول ...لكن دايما و احنا بنلعب نقول يا ريت كان فيه كذا في المكان
الفلاني كانت بقت اللعبة أحلى و من هنا يبدأ كل واحد فينا يسأل نفسه :
طب أزاي بتتعمل اللعب دي ؟ و مين اللي بيعملها ؟
عمرك ما سألت نفسك طب ليه أنا معملش لعبة و أبقى زي الراجل اللي عمل اللعبة اللي انت بتلعبها دي .. فيه عقبات و مشاكل كتير الناس بسببها بتبعد عن الموضوع ده ... طيب ايه هي العقبات دي..؟أول عقبة هي ان كل واحد بيفكر ان مستحيل حد يعمل لعبة و ان الموضوع ده صعب جدا .. تاني عقبة هي الكسل و مش محتاج أقولكم يعني ايه ("الكسل") بس ده مش مبرر في الحقيقة لإن أولا الموضوع مش صعب أبدا و مش رخم بالعكس ده ممتع جدا و سهل و أي واحد ممكن يعمل لعبة بس لازم يبقى عنده صبر و عزية و إصرار و يبقى بيتقبل آراء الآخرين و يتعلم منها عشان يطور نفسه و أسلوبه و كمان لازم و هو بيعمل اللعبة يفكر كجيمر و يشتغل كمطور ألعاب و عشان أعرفك ازاي دلوقتي الموضوع بقى سهل عن زمان هحكيلك القصة دي :
زمان كان اللعبة عبارة عن ملايين الأكواد الكتير بتتكتب
عشان تعمل لعبة زي لعبة التعبان (Snake)
و كان المطور بيتعب جدا عشان يعمل لعبة صغيرة جدا لكن مع تقدم الوقت و تقدم
التكنولوجيا و الأفكار المطورين عملوا حاجة اسمها (Game Engine ) يعني محرك ألعاب و محرك الألعاب ده هو
عبارة عن مجموعة من الأدوات اللي بتساعدك انك تعمل لعبة و بيوفر عليك و قت طويل
جدا و بيديك ناتج رائع جدا و جميل .
بعد ما عرفت القصة دي لازم تعرف ان الموضوع سهل جدا بس
عايز مؤهلات عشان تطلع منتج أو لعبة حلوة و من المؤهلات دي :
محتاج أيه بقي عشان تكون مطور ناجح .... ؟
- الإبداع ثم الإبداع ثم الإبداع .... تفكر فى حاجة جديدة و مختلفية و فريده فى كل ما يخص اللعبه ( تصميمك , تفكيرك , و طريقك صنعك للعبة نفسها و السيناريوا المكتوب ليها ) ومن مغير ما تحتاج تشتري حتى كمبيوتر العاب.
- أنك ماتشوفش اللعبة كـ مطور بس لأ لازم من كل النواحي ( كـ مطور , و كـ جيمر , و كـ ناقض , و ثالثأً كا شخص ميعرفش حاجة فى اللعب )
- لازم قبل ما تنشر لعبتك تجربها على كذا حد و يلعبوها لحد ما يقفلوها و تشوف أرائهم أيه .
- و أهم حاجة كمان تحاول قدر الامكان تخلي الناس تحب لعبتك عشان يستمروا فيها :)
