ليه أتعلم فوتوشوب ؟

بسم الله الرحمن الرحيم

مبدأيا كده معاكم احمد قناوى عضو جديد من اعضاء المجرةالتقنية الكرام

خلونا فى اول حاجة ليا نتكلم عن #الفوتوشوب

انا بعشق حاجة اسمها فوتوشوب وده يرجع لتاريخه واهميته واد ايه هو برنامج مهم لجميع الناس

بغض النظر عن ان هو انتشر جامد وبدأ الناس يستخدموه بطريقة خاطئة وان اصبح الاخراج الى بيبقى من منه تحول من عمل فنى لــــ صنايعي كورسات  فوتوشوب واعتقد ان اغلبكم سمع اللفظ ده

خلونا نعرف يعنى ايه الفوتوشوب وايه هى استخداماته واهميته 

الفوتوشوب هو اول برنامج اتعمل من 30 سنة عن طريق ان فى 2 من البشر اولاد الحج Glenn Knoll

واحد فيهم بيحب التصوير والتاني بيحب البرمجة وهما ال 2 قرروا ان هما يدمجوا الموهبتين دول ،

وف الاخر اخترعوا حاجة اسمها Display  وده كان سنة 1987

وفضل يتطور لحد ما شركة ادوبي اشترته سنة 1989 وفضل يتطور تاني بعديها لمدة 10 شهور لحد ما يظهرلنا بالشكل الى احنا شايفنه حاليا مع تطوير طبعا و كانت اول نسخة نزلت كانت 2.5.1 .

وعشان أأكدلك ان هو عمل فنى مش شغل صنايعية زى مابيقولو .............. 

ساعة الديزانير الى كان بيشتغل على الفوتوشوب كانت بتوصل ل 300 دولارفى الساعة الواحدة ... ناهيك بقى عن البلاوى الى احنا بنشوفها حالياً يعنى :D :D  

بعد كده طبعا بدأ يظهر بقيت البرامج الى احنا شايفنها حالياً زي طبعا الانديزين والاليستريتور والافترافكت و...الخ الخ 

طيب ايه الى يربط بقى الفوتوشوب بالناس ديه كلها 

بص يا سيدى مبدأياً لو ركزت معايا فى ال Interface  بتاع الفوتوشوب

 

فى عندك قائمة اللاير (layer) 

ديه هتلاقيها عندك موجود فى ايه ....!!؟

عد معايا يا سيدي 

illustrator - indesign - aftereffect - Premier - muse - Cinema 4d - auto cad - 3dmax - audition -Dreamwaver - etc.....etc

طيب ايه تانى عندنا قايمة ال tools 

برضو هتلاقي فى اغلبية برامج ادوبي والبرامج الاخري

وبرضو قايمة ال time line 

هتلاقيك بتستخدمها فى كذا برنامج تانى 

وبرضو نظام ال Groups

وبرضو شركة اوتوديسك وشركة سوني فيجاس وشركة ماكسون .... الخ الخ الخ

دول كلهم واخدين من برنامج الفوتوشوب لانه يعتبر طفرة فى عالم الصور الرقمية 

يعنى بمعنى اصح انت لو اجدت برنامج الفوتوشوب 100% صح 

انت كده بالنسبالك هاتبقى لو اشتغلت على اى برنامج تاني هاتحس ان هو مش معقد ولا حاجة 

ناس هاتيجي تقولى طيب ازاى واللوجوهات ماتتعملش الا على الاليستريتور والمجالات ماتتعملش الا عن الانديزين وال2 دول من اهم برامج التصميم الموجودة فى العالم فى مجال الطباعة لو فكرت تصمم اى حاجة علي ال2 مقاس يوصل ل 10م هتلاقى اصلا ان البرنامجين دول اخرهم 6 متر وبالعافية لازماً اجبارى تروح للفوتوشوب 

طيب واحد بقى من الناس الفقيقة بقي يجي يقولى وده ماله ومال شغل ال 3d  ولا شغل ال video  عموما 

طيب خلينا نتكلم عن حتة من مبادأ شغل ال 3d  

وهى الخطوط الافقية والرأسية ... انت لو فاهم صح فى الهندسة كنت هاتعرف ان شغل ال 3d  ماهو الا عبارة عن رسمة ليها خط افقي ورأسي + المنظور الى حضرتك بتبصله

زي :

 اى حد يقنعني ان الرسمة ديه ماتنفعش تتعمل على الفوتوشوب وماينفعش تتلون وتديني احساس انه حقيقي 

انت لو فاهم صح يعنى ايه خطوط الطول وخطوط العرض والالوان والظل والنور والمنظور 

هاتقدر تطلع شغل تقول ان هو 3d  بدون ماحد يقتنع ان هو فعلا معمول على الفوتوشوب زي :

 

التفاحة ديه معمولة 100% فوتوشوب هاتقولى ازاى ومش هاينفع ومش صح 

هاقولك ساعتها ان انت لو قولت كده معنى كده ان انت عقليتك مش مستوعبة بكده 

الفوتوشوب مالهوش سقف مالهوش حدود ....... حدوده هى انت الى بتحددها 

طيب خلصنا من مجال ال 3d 

واحد هايقولى ان هو ماينفعش يعمل مجلة ..... ساعتها بقى هاجي اضربه :D :D  

هو ممكن يعملها بس هياخد وقت مش اكتر وهاتبقى متعبة 

بس كل الحكاية ان كل حاجة وبتاخد وقتها 

طيب بالنسبة للفيديوهات ....

 بغض النظر عن قايمة التايم لاين الموجودة فى الفوتوشوب حديثاً احب اقولك خلى واحد من المنتجين المحترمين جاي يقولك الصورة ديه هاتتحط فى اخر الفيديو بس المشكلة ان اللوجو بتاع الشركة لونه احمر مثلا وعاوزين نخلى اللون الازرق ده يتحول لاحمر 

 

ساعتها انت اجبار هاترجع للفوتوشوب لانه هايسهلك حاجات كتير اوى من امر replace color  

بالمناسبة انا الصورة ديه استخدمتها 3 مرات لحد دلوقتى :D :D 

واخيراً وليس أخيراً اتمني انى ماكنس طولت عليكم فى الشرح المبسط لآيه هو كورس فوتوشوب واهميته 

وانتظرونى قريباً فى الشرح المبسط عن كلمة مصمم جرافيك  :D :D

فى اول حاجة ليا فى المجرة التقنية 

واحب اسمع نقدكم وارائكم ♥

شكراً جزيلا 

#أحمد_قناوى